《萬千星輝頒獎典禮2023》今晚（14日）在澳門舉行，陳豪和張曦雯負責頒「飛躍進步男﹑女藝員」獎，在女飛躍方面，連續4年提名該獎的劉穎鏇，今年終於獲獎，她撼贏王敏奕﹑傅嘉莉﹑何依婷和何沛珈。
劉穎鏇獲獎時淚流滿面，而好友劉佩玥亦感動眼濕濕。劉穎鏇邊喊邊說：「原來眨眼我入行7年，多謝公司畀機會我喺劇集及綜藝，如果唔係有咁多機會，就冇咁多人認識劉穎鏇，多謝珍姐﹑樂小姐及曾先生，仲有山聰﹑阿Moon（劉佩玥），我知自己好多不足，好多謝文偉鴻，畀好多唔同角色我，畀觀眾見到我做到唔同角色，多謝父母支持。」
