《萬千星輝頒獎典禮2023》今晚（14日）在澳門舉行，林敏驄和江美儀負責頒發「最佳綜藝節目」。阿驄繼續口不擇言，他先向江美儀說：「頭先跳舞（亞洲超星團）嗰班同你好襯。（江：哪方面？）都係白衫袙褲﹑個妝似殭屍。」然後又將《隱形戰隊》講「隱形照隊」，江美儀叫他中文講好少少。
之後阿驄繼續說：「綜藝節目啱你（江美儀），你贏晒獎都冇嘢撈，你平時都『中下中下』，綜藝主持人一定要大方﹑有台型﹑壓得住場，好似Do姐（鄭裕玲），（江：走咗啦﹗）咁快開始炒人？（江：炒咗好耐。）余詠珊呢？（江：走咗好多年。）咁大鑊？」阿驄又搞笑指下季有新節目叫「中年邵音音」，他笑說：「講佢平時生活，應該幾香艷下。」最佳綜藝節目由《中年好聲音》獲獎﹑最佳資訊及專題節目則由《無窮之路III─無垠之疆》奪得。
