由肥媽、李家鼎（鼎爺）及游嘉欣（游游）主持的飲食節目《肥媽李鼎打大佬》，今晚（15日）播出一集主題是「婚姻的抉擇」，肥媽坦言對第一段婚姻感到後悔，她說：「第一段婚姻，我根本都唔識佢（前夫），當時我同我未婚夫鬧交，佢話要攞番隻戒指，我就同佢講（話我）兩個禮拜內結婚，之後我喺工作地方求其搵件就嫁畀佢！」游游聞言嚇到O嘴，之後肥媽被問到怎樣發現前夫出軌，肥媽坦言當時捉姦在牀：「我落咗機衝返屋企，見到兩條友瞓咗喺我張牀。」
肥媽又笑言與前夫離婚後行情很好，足足有7個不同國籍男士，同時對她展開追求，肥媽說：「當時我請咗個同事幫我分配幾時見邊個！」游游聞言即封肥媽「時間管理大師」。鼎爺則分享一個馬來西亞敗家仔浪子回頭趣事，該名敗家仔被老婆以槍恐嚇後變得修心養性！對於游游指不少人說老公年紀較大會比較惜老婆，肥媽並不太認同：「好難講。」游游另外還會在節目公開鍾情「年上男」還是「年下男」！
明晚（16日）播出一集主題是「宵夜風雲」，鼎爺甫出場即大顯功架，飛身踢摺櫈，身手了得！講到宵夜不得不提劈酒，游游自認千杯不醉：「飲酒醉唔醉，好睇一個人意志，如果想醉飲半杯都會醉，如果唔想醉，飲10杯都唔會醉！」聽落好似好巴閉，實則只是聲大大，原來游游並沒去過夜蒲，只是在公司慶功宴飲過酒，身為酒后的肥媽聞言即噓爆：「講完等於冇講，仲以為你去開邊間夜場！」
游游仍死不認衰：「我飲啲酒都好濃㗎！」肥媽反擊：「你個妝就濃。」游游竟然繼續駁嘴：「唔夠你濃呀！」相當爆笑。見慣世面的肥媽和鼎爺在節目中還分享食宵夜趣事，肥媽自爆曾拎摺櫈打人，真相令人哭笑不得。
