佘詩曼憑《新聞女王》膺三料視后，氣勢銳不可擋，昨晚（15日）阿佘在社交平台貼相發文分享得獎感受，她表示回味頒獎禮當晚夢幻般喜悅：「現身闊別多年嘅萬千星輝頒獎典禮，竟然帶俾我一浪接一浪嘅驚喜，2024年1月14日呢個咁特別嘅日子，我會永遠記住，提醒自己，努力係有回報嘅，要有突破，以後就要更加努力，，希望可以帶比觀眾更多嘅wow，我代表Man姐多謝所有支持新聞女王嘅人，我哋一齊期待『新聞女王2』啦﹗」
阿佘今天（16日）貼相多謝她的一班「電波中年」團隊包括經理人﹑化妝師﹑髮型師﹑宣傳人員等，阿佘還多謝傳媒：「當然唔少得嘅，係一班同我一齊成長﹑識於微時，善良但又好有性格嘅記者們，大家都係呢個行業打滾咗好多年，到咗今日，大家都好似成為咗朋友，多謝你哋對我嘅愛錫。」
