無綫劇《飛常日誌》昨晚（15日）首播，一眾主演先後登場，飾演機場飛行區運作經理的徐榮，經常要在停機坪拍攝，他透露劇中不時戴太陽眼鏡是有原因的：「我角色個工種喺戶外多、經常日曬雨淋，為切合呢個工作，我經常戴住太陽眼鏡，現實中佢哋都係長期戴住太陽眼鏡，除咗要搽防曬之外，保護對眼都好重要。」
演機場保安的洪永城因太過入戲，被不少旅客誤會是真正機場保安，他笑言：「拍緊嗰時好多人嚟問我問題，可能我個樣比較友善啦！」講到拍攝難忘事，洪永城說：「今次好好彩有機會近距離睇飛機升降，原來近距離睇真係有機會被吹走，同埋去咗維修飛機地方，平時睇相都唔覺得咁大，但現實睇好似放大咗2、3倍咁。」
