周柏豪、王敏奕、吳若希、羅天宇、馬貫東、連詩雅等主演的劇集《旁觀者》，昨晚（17日）劇情圍繞張柏妍（連詩雅飾）、馬子洋（謝東閔飾）及Wesley（周志康飾）。鍾情子洋多年的柏妍因誤信男方而慘遭Wesley強姦，但因為子洋及Wesley的幕後操作而成為眾矢之的，被指控色誘兼誣衊Wesley之餘，還被冠以「社工妓女」惡名，令原本已抑壓的她失眠及驚恐情況更嚴重。
連詩雅在劇中挑戰爆喊、被強姦及出浴等場面，差不多由頭喊到尾。除了連詩雅，飾演Wesley女友Ashley的鄧伊婷亦十分搶戲。鄧伊婷談到拍攝扯連詩雅頭髮一場戲時說︰「我係第一次拍打女仔戲，本身劇本只係話我摑佢，我已經好緊張，都有事前做吓功課睇吓人哋點摑人。點知去到現場，導演同我講話女仔唔會咁摑人，女仔應該係要扯頭髮嘅，我即刻：『唔係啩』，摑只係一吓，但扯頭髮過程好長喎。跟住導演畀咗啲參考我睇，我睇到呆咗同眼都凸埋，結果更加緊張。其實我真係寧願畀人打，打人真係唔知點，好驚整親對方，導演有嫌我唔夠力同唔夠真，都拍咗幾Take。」
鄧伊婷稱全靠連詩雅安慰及鼓勵才順利完成這場戲︰「連詩雅叫我唔使驚，仲話寧願我用力啲，等大家可以快啲收工。」
