男團MIRROR演唱會今晚（18日）休息，明晚（19日）舉行第4場，成員「大表哥」邱士縉（Stanley）和李駿傑（Jeremy）大跳男男貼身舞的片段，連日來在網上洗版，尤其是Stanley的爆肌身材成為熱話，李駿傑更笑指他是「大表波」。
Stanley趁今天不用開騷，便在社交平台的廣播專區跟網民互動，其間有粉絲問Stanley為什麼會有和Jeremy的演出？他說：「真係多謝佢（Jeremy），因為本身最開始嘅Rundown，係Jeremy唱《CLOSER》和《Fever》，開頭冇我嘅，本身我只係唱《來不及》同埋有一Part Rock嘅演出，但我同監製講我想跳舞，因為我本行係跳舞，成個騷都冇乜跳，之後就同Jeremy唱《Fever》，佢好好肯同我夾。」
Stanley在演唱會變隊中「肌肉擔當」，他感謝女友李炘頤：「佢係我伙食部大佬，成日煮我食得嘅嘢畀我食。」有粉絲問他表演時有沒有打陰影？他說：「兩場冇，跟住之後（第3場）有啲啲，因為啲光直線打落我度，好似打少少（陰影）好啲。」
相關新聞：邱士縉感性唱《來不及》悼亡母：如果你在現場聽就好了
