森美1994年參加商台DJ選拔比賽，大學未畢業已入行。轉眼30年，森美現在除了電台，也有主持電視台節目，之前亦曾拍劇、拍電影，是一個全方位藝人。
森美今天（19日）在社交平台分享他初入行時一臉青澀的照片，留言︰「好多人都攞呢張相俾我睇，呢個好嘢嚟㗎，係我人生當中第一張Profile picture。嗰陣時我大學一年班，入商業電台，第一個節目《志健美先生》，講健康健美健身至健美。真係估唔到到依家我都對呢三樣嘢都係好有興趣，真係三歲定八十，不過嗰陣時瘦蜢蜢。張相真係好正，我真係好小朋友。」
姜麗文、袁偉豪留言讚相中的森美很可愛，ERROR成員保錡說他「笑得幾有型」，麥美恩對森美說︰「Mr Uncle﹗」有網民笑言︰「第一眼以為係胡杏兒《衝上雲霄》（《衝上雲霄II》）劇照。」
