肥媽、李家鼎（鼎爺）及游嘉欣（游游）主持的飲食節目《肥媽李鼎打大佬》，明晚（22日）及後晚兩集主題分別是「退而不憂全攻略」及「一團和氣闖年關」。3位主持談到理想退休年齡時出現頗大分歧，游游自言想約40歲退休，肥媽驚訝地說︰「咁咪即係唔使做？你諗住吊金龜算喇？」肥媽追問游游每月要用幾多錢，聽完游游說出的數字後十分愕然及大讚游游「娶得過」。肥媽再追問游游：「你認為幾多錢先夠退休？」游游天真地說：「假如我40歲開始唔做嘢同活到80歲，咁我仲有40年，我估要400萬？」兩老聞言大呼「冇可能」，游游愕然反問︰「400萬都唔夠？」肥媽笑指她「食爺飯，著乸衣」，游游慚愧表示︰「都係嘅，同屋企人一齊住使費比較低！」
