早前92歲生日的胡楓（修哥），今天（21日）獲家人及一班圈中好友送上驚喜生日會。修哥4個曾孫與羅蘭、伍仲衡及蝦頭（楊詩敏）一齊合唱生日歌，幾位小朋友更賣口乖祝他「29歲生日快樂」。伍仲衡還將為歌曲《讓一切隨風》填上新詞，自彈自唱為修哥賀壽，修哥亦禮尚往來祝他三年抱兩。
修哥受訪時說原以為是慶祝曾孫畢業的派對，沒想到原來是家人為自己開的神秘生日會。他表示︰「邊個約我都推，諗住嚟同曾孫玩吓，原來唔係，屋企人專搞驚喜！我當然好開心，最難得一班後生為我花心思。我嘅生日願望係自己、家人同朋友健康兼順利﹗」修哥笑指4個曾孫有份用利市錢為他辦生日會，即是要他出錢，他要送錢給4個孩子。
談到日前捧場黃凱芹有份演出的慈善演唱會時獲全場觀眾合唱生日歌賀壽，修哥笑言︰「我都唔知點解去睇演唱會，點知又同我唱生日歌，我非常之開心，咪唱番2句回敬吓。想唔想再開紅館演唱會？想！不過唔知有冇人請，喺紅館唱歌梗係好開心啦！我仲想繼續破紀錄落去﹗」
