何依婷、《中年好聲音2》參賽者尹新杰及太太李寶雯，今天（23日）到將軍澳出席商場新春活動，去年結婚榮升林太的何依婷表示不想添丁只想發財，她說：「真係冇諗住，工作為先，有錢幾時生都得啦！同老公都係隨緣嘅人，聽天由命，雙方父母都非常隨和，大家冇壓力。」
何依婷稱每年農曆新年都會買花佈置屋企，笑言要用指南針擺好方位增添事業運，她說：「劇集《新聞女王》受歡迎，覺得好開心，因呢套劇紅出香港，亦帶挈我多咗工作機會，新一年都多返內地工作及拍廣告，希望可以一路接落去。」
成為人妻後的她亦有感過年大不同，首年為屋企準備有點迷惘，老公着她請教已婚朋友，她說：「日前要同老公辦年貨，又要買新毛巾同地氈，都幾得意，原來做家庭主婦咁多嘢要買，唔係好enjoy，不過我enjoy同老公行街。」
尹新杰及太太李寶雯新婚不久，恨生龍年寶寶，不過也抱順其自然心態，尹新杰說：「有咗就有，但希望快啲有，想生一仔一女湊個好字。」他們表示農曆新年會齊齊返尹新杰的家鄉湖南補擺喜酒。
