炎明熹（Gigi）早前化身動物護理員學習照顧小熊貓，Gigi事前細心聽工作人員講解飼養小熊貓的知識，實地考察牠們的居住環境，然後就進入小熊貓的居所，跟其中一隻小熊貓「聰聰」近距離接觸。Gigi在護理員指導下輕撫聰聰，又被牠在自己的大腿上走過，及嘗試訓練聰聰。Gigi在過程中雖然表現冷靜，但仍不時忍不住露出興奮的笑容。
她說︰「好開心，其實我見到小動物會發自心底嘅開心，但因為性格關係唔會『嘩』出嚟。頭先畀小熊貓踩嘅感覺好特別，唔知點形容。佢哋嘅腳板好大，佢一踩，你就覺得成個大髀畀佢踩咗。我有一半大髀畀佢踩咗，可能你哋就成個大髀畀佢腳板踩咗落去，幾得意，好似幫你按摩咁。我覺得今日係一個好好嘅體驗，令到我可以接觸到小動物。我小學時都冇機會可以面對面，咁近接觸到小動物，所以今次非常之榮幸。希望未來可以接觸到更多小動物，可以了解到佢哋嘅需要。」
Gigi事後在社交平台分享與小熊貓的合照，留言︰「小熊貓令我心也融化了，好可愛﹗」
