農曆新年將至，一向顧家的苑瓊丹（苑仔）返港過年，並向大家宣布近日獲頒「公主」名銜，更笑言要老公下跪請安：「大家叫我做『石榴公主』，我都幾開心嘅，如果去大馬等地，申請埋老公做拿督，機場可以行紅地氈𠻹！正所謂人一世物一世，試下做公主都唔錯，我真名叫苑麗瓊，英文字係『King』嘛，根本就係王族嚟嘅，所以買頂王冠獎勵自己。」
早前傳出苑仔「息影」，現在「升呢」做公主，但她沒打算退休，仍熱愛工作：「我唔係『息影』，只係唔拍住！佢哋嘅分別就係，息影就唔使搵我，唔拍係可以傾下，但都係覆你唔得閒，因為嚟緊龍年好忙碌，要內地做直播之餘，仲想將呢個產業帶返香港，有時間想開個講健康嘅頻道。」
談及新年願望，苑仔笑言收山不會炮製「小公主」，專心照顧家中10多隻小狗：「𠵱家有10幾隻狗仔，雖然我成日四圍走，但唔會搬佢哋返內地喇，因為香港有兩個工人照顧佢，我返嚟就由公主變番做奴才，追住幫佢哋『執金』。」
