無綫前新聞主播柳俊江（柳爺）1月4日家中輕生，終年42歲。柳俊江家屬今天（30日）在大圍寶福紀念館為柳俊江設靈，以佛教儀式進行，治喪委員會成員包括導演彭秀慧﹑伍家謙和喬靖夫等打點，靈堂門外有圍板阻隔，並擺放柳爺生前所獲的獎牌及照片。
家屬事前已在柳爺社交平台專頁公布後事安排，告別禮不設公眾弔唁，只安排真正認識柳俊江的朋友參與喪禮，以實名登記後才能進場。不少圈中人包括張繼聰﹑衛詩雅﹑林柏希﹑盧巧音和老公蘇浩才﹑已退役香港足球運動員歐偉倫及鄧穎芝等，而柳爺女友Grace今午4點與友人抵靈堂送別男友。
張繼聰受訪時表示，跟柳爺認識10幾年：「由好耐之前打籃球﹑到近幾年跑步，工作方面都有合作過拍戲，以前大家住附近係鄰居。（跟他熟？）都熟嘅，之前跑步差唔多成日訓練。當然好傷心，希望佢家人節哀順變，不過都好突然，之前睇佢社交平台睇佢有比賽，我認識嘅佢好樂觀﹑堅強，啟發咗我跑步，佢一直係我仰慕對象，永遠跟佢後面跑，心裏面好難過，𠵱家所有嘢都過去咗，希望喺另一個維度開開心心。」
