王浩信、姚子羚主演的劇集《狀王之王》將在今晚（1日）一集揭開「蜘蛛精殺人案」終極謎底，宋世傑（王浩信飾）與玲瓏（姚子羚飾）關係亦會有突破性發展。姚子羚在昨晚的官方預告中以女性化打扮加一個華麗轉身現身宋世傑面前，再嫣然一笑。據知，玲瓏與宋世傑今晚緊接這場華麗邂逅後將會極速成親，宋世傑喊唔停，迫婚成功的玲瓏則豪邁喪笑。
劇組今日發布宋世傑與玲瓏華麗邂逅的官方劇照，原來拍攝當日正值嚴寒，姚子羚卻未有貼上暖包：「拍嗰日真係好凍，但因為要落水都黐唔到暖包，除咗埋位前著大褸包住保暖、劇組有book到暖爐畀我之餘，佢哋仲放暖水，浸住喺暖水度拍還可以，唔算好凍。」
子羚笑言是次拍攝算是「久違了的大露背」，並透露原來是長褲變短褲。她說︰「場戲我要著住肚兜加短褲仔，原本條褲再長啲，但因為拍咗出嚟覺得冇乜美感，所以即場轉做短褲，等成個身形望出嚟好睇啲。我好耐冇拍過大露背戲，但最緊要拍出嚟靚，因為係講宋世傑模糊間見到個靚女，但佢又唔認得係冇鬚嘅玲瓏。」
