美職球會國際邁阿密今與由港超球員組成的「香港隊」於香港大球場踢表演賽，雙方半場踢和1:1，但最終國際邁阿密以4:1擊敗港隊，惟阿根廷球王美斯全場沒有上陣。不少球迷賽後喝倒采表達失望，有人大叫「回水」。今日有不少藝人入場要一睹球王美斯在球場上的風采，跟在場球迷一樣失望而回。《東張西望》主持陳庭欣（Toby）在場，她在社交平台的限時動態上載球場內照片與短片，寫上「違反商品說明條例」、「頭先好多球迷見到我，都異口同聲話要報《東張》」。她回應《明報》說：「我太嬲喇！（有冇叫『回水』？無人唔嗌，美斯可能因為腳傷，咁其他呢？蘇亞雷斯呢？」
盧覓雪（Michelle）也有入場，她回應《明報》稱：「我嘅係贈券，都有叫回水，嘥咗我三個鐘頭！成個場都係為美斯而來，點會唔失望？」
伍仲衡捧美斯場，開波前好興奮，留言：「現場睇波氣氛超正！我鍾意馬勒當拿！所以我支持美斯！香港足球加油」睇完波，他在社交平台寫道：「要打18222（防騙易熱線） ！」 游學修上載在電視台拍下的畫面，寫道：「5千蚊買個曝光機會。」
