朱慧敏（Queenie）與心臟科醫生陳良貴結婚三年，去年造人成功，女兒SheRa比預產期早出世，重6磅半。SheRa迎首個農曆新年，昨日年三十晚Queenie與陳醫生抱女兒行花圃睇桃花，SheRa才3個月大，見Queenie抱著她好重手，還懂得對住媽咪冧笑。Queenie回應《明報》說：「今年過年多咗個BB同我哋一齊，SheRa現在3個月大，佢好乖、成日笑。我同佢傾偈，佢會同我有對答，我唱歌畀佢聽，佢手仔腳仔跟住郁，笑得好開心。」
她稱昨日天氣寒冷，所以一家三口只在花圃逗留了半小時，在場有兩個工作人員見到SheRa好開心，女兒好鍾意認識新朋友，看到別人跟她說話也會笑。Queenie笑說：「BB已經喺年三十晚𢭃咗幾封利市，今年嘅利市特別有意義，溫暖窩心、滿滿的愛和祝福，大家都祝福BB身體健康、快高長大、聰明伶俐。好感動、好多謝大家！」
