ViuTV原創劇《飛黃騰達》逢星期一至五晚上9時30分播出。劇集講述一眾參賽者在投資大賽中備受情義和底線的考驗，有關成長和友情的故事。
上次被劇組寵溺餵食的COLLAR成員蘇雅琳（Ivy So）表示，今次有嚴格戒口，不過笑言被同劇演員和幕後搞到好大壓力：「如果嗰排有騷或者有拍攝嘅話，就會食少啲。佢哋就會問做乜唔食嘢？但係如果我一完咗個騷食番嘢，佢哋就會話做乜食嘢呀？會肥㗎！真係好難捉摸。」陳安立（Brian）就爆Ivy有個花名叫「蘇總」，她無奈地解釋指：「佢哋成日笑我水腫嘅時候就係『蘇腫』。」
同劇的黃浚銘（Boris）和黎展峯（Andy）表示十分佩服Ivy，因為就算只有4至 5小時休息時間，她仍堅持抽空做運動。Andy大爆Ivy為食的一面：「最深刻係有次要拍打交戲分，大家要用薯片互相襲擊對方。一Cut機，佢就執枱面嘅薯片嚟食。」
