MIRROR成員姜濤﹑盧瀚霆和呂爵安（Edan），連日來為賀歲電影《盜月者》宣傳兼謝票，今午輪到姜濤和Edan現身戲院謝票，姜濤在Ig限時動態連環出Post，他拿住紮花稱好久不見，當他現身時，大批姜糖（粉絲暱稱）圍住他影相；另外，《盜月者》的官方Ig則貼出Edan在東京街頭朗誦的花絮片段，化身「朗誦安」的Edan，再次表演當年小學朗誦比賽，他在片中笑稱：「我細個講嘢好清楚，愈大愈差，唔知做乜嘢，小五定小六我拎咗兩屆冠軍，呢個係好勁，我玩咗三屆攞咗兩屆冠軍，我嗰陣返屋企表演畀阿媽睇，阿媽笑到不得了。」
