鄭中基（Ronald）昨晚（18日）在紅館舉行《Fragments of Wonder鄭中基世界巡迴演唱會2024─香港站》第5場，開場不久Ronald就玩心大起，他與觀眾互動，觀觀眾跟Ronald指揮舉起雙手，連成一個萬人Wave畫面，場面壯觀。
來到演唱會中段，MIRROR副隊長江𤒹生（AK）在Fans的吶喊中出場一同討利市，Ronald說：「其實演唱會本身唔諗住搵嘉賓㗎，係因為AK自薦做嘉賓，我又諗冇理由一場有一場冇，所以咁多場都有嘉賓，真係要多謝AK。」2人合唱《緣份無邊界》，唱完AK取出《龍咁威2》DVD，請求Ronald簽名，AK說：「我細細個就睇，可以珍藏，多謝大佬！」
Ronald每晚會抽一位現場觀眾送禮物，而昨晚送禮環節十分特別，選中了一位男粉絲，然後他突然求婚，「殺」眾人措手不及，Ronald就說：「我都幾勁喎！咁都揀得中，得啦，相機送畀你，影多啲靚相。」接住更唱出《無賴》，他說：「呢首歌送畀剛剛求婚成功嘅仁兄。」
