前麗的電視花旦李影在加拿大離世，享年70歲。她與前夫沈海鍵育有兩名女兒，大女為2004年落選港姐沈穎婷。早年移民加拿大的她，2003年帶着兩個女兒回流香港。事發時，沈穎婷與妹妹Vivian均在香港，收到噩耗後即時訂機票返加拿大為母親辦理後事。
沈穎婷今日在社交平台表示︰「多謝大家關心，我同妹妹依家返緊去加拿大接媽媽回家。大家有心了！媽媽為人好低調，平時鍾意同朋友出去聽歌，唱歌，玩，唔希望大家會為咗佢唔開心太耐。無太多想講，希望外界畀啲空間我哋。唔夠幾個鐘就全香港都知其實係勁嘅。李影的確係威嘅，證明好多人都好惜媽媽。好幸運能夠做你的女兒，下世約你再繼續呢段緣分啦！」
沈穎婷妹妹Vivian則說︰「李影今日好曳咁唔同我講電話就走了... 過咗幾個鐘就全香港都知... 我都話李影紅過家姐好多㗎啦... 知喇知喇... 知你靚女過我啦！我哋下世再做母女啦！李影... 我愛你！」'
相關新聞︰黃淑儀證實李影死訊 2人相交近50年 原約好明天聚會
