曾參加《中年好聲音》的曹敏寶，接受新城電台程凱欣和麥卓華主持的《原來生活好快樂》「自主人生」節目錄音訪問，真情分享其過山車般的「歌手」生涯，性格率直的她，被兩位主持談到「朋友」問題時，在訪問中一度爆喊。
阿寶在節目中吐心聲，指當年為結婚相夫教子，決定隱退，但沒想到有產後焦慮症：「服用咗一段時間焦慮症藥物，體重急升至165磅，好彩朋友鼓勵，參加《中年好聲音》，重拾歌手夢，不過比賽中好大壓力，體重由150磅急跌110磅，當宣布最後10強我被淘汰，心情如釋重負！」
當程凱欣談到友情話題時，一向為朋友兩脇插刀的曹敏寶，當場真情淚崩：「就算我畀幾多荊棘拮到，我都唔會改變我嘅性格，呢個就係曹敏寶囉！對唔住呀﹗我可能好傻，但如果你要我做個虛偽嘅人呢？我做唔到囉！」她再堅持貫徹自己率真性格：「你要曹敏寶假，絕對冇可能！」
