張致恒（Steven）與太太區燕雯（雯雯）育有4子，一家人陷入經濟困境多年仍未解決，雯雯早前更表示他們要湊仔不能外出工作。雯雯近日在Ig限時動態上載黑底白字圖片，表示踏入2024年就發生連串不幸事件，包括其中一個兒子證實有自閉症兼過度活躍症。她說︰「2024一開始就已經好不幸，有最惜我嘅親人患上癌症，再有兩個狗狗屙血，心臟+肝+胰臟炎，再有一個仔確診autism plus hyperactivity（自閉兼過度活躍症），坦白講照顧呢類小朋友，無論係身心情緒都係好大嘅學習。我一個人真係冇能力，同一時間可以照顧到四個小朋友，應該話可以照顧到，但係會有一定嘅危險。最近，仔先跌爆咗隻耳仔，醫生同我哋講呢類小朋友一年起碼會去幾次急症室，要有心理準備。依家每一日面對佢嘅行為情緒，都係一個好大嘅挑戰，同時因為屋企其他嘅小朋友仲好細，亦都會受到影響，我哋亦都要好努力學習點樣可以得到一個平衡。」
