羅子溢、陳自瑤、黎諾懿、賴慰玲、羅天宇及王敏奕主演的劇集《婚後事》，今晚（28日）播映第3集，今集戲肉落在黎諾懿和賴慰玲鴛鴦浸泡泡浴的場口，黎諾懿日前曾透露該場浸浴戲，因為畫面太激而全被刪走，他曾說：「其實嗰場浸浴戲，原本有個鏡頭係影到我背面全裸，即係全身上下都無遮無掩。由於當時我面對牆壁，鏡頭只係影到我背面同臀部，加上我對劇組好有信心，所以索性真空上陣拍攝，但最後好似話怕大膽得滯Cut咗。」
不過今晚播出一集，該戲分原來未被刪走，而且原汁原味播出，黎諾懿背部全裸冲涼曬「優質股」，賴慰玲亦露出白滑玉背，2人在浴缸嬉水兼惜惜，相當親暱。
相關新聞：婚後事｜黎諾懿真空上陣拍背面全裸戲 所有鏡頭被刪走
周嘉洛在前年播出的《痞子殿下》亦有全裸露股演出，監製陳耀全（Andy）透露嘉洛拍攝相關場口時，原本穿了肉色褲打底，但為了效果更好，Andy建議嘉洛全裸上陣，而嘉洛亦二話不說答OK。問為何爽快答應，嘉洛受訪時說：「都係為咗效果，對我嚟講無傷大雅。」嘉洛補充指當時臨急臨忙做安全措施：「監製同我一齊去，主要用牛皮膠紙黐住敏感位置。」另外，林峯和吳卓羲也曾在劇集《大唐雙龍傳》露股演出。
