為慶祝澳門特別行政區成立25周年，澳門旅遊局邀請李施嬅，由她率領香港及澳門歌手，參與今年農曆新年花車大匯演，香港方面有丁子朗﹑P1X3L﹑XiX﹑關嘉敏﹑葉泓聲﹑許俊豪﹑鄧禮迪﹑冼靖峰﹑黃奕斌﹑鍾柔美（Yumi）﹑文凱婷和劉詠彤等，澳門方面則有組合MFM﹑古淖文和杜俊瑋等。
導演火火和藝人Otto被大會邀請擔任活動總導演及監製之職，Otto還身兼大會舞蹈總監，創作過程大呼過癮。
李施嬅則說：「今次已經係我第2年獲邀請參與，之前因為疫情關係，所以做唔到，估唔到大會仲記得我，聽同事講佢哋因為好鍾意我喺《新聞女王》角色同表現，決定再邀請我，今次仲要表演3首歌曲，好開心演戲同唱歌得到佢哋肯定；同埋亦好開心有幾十位粉絲到場支持，好surprise，希望佢哋都鍾意我嘅表演。」
問Yumi有沒有試過在澳門欣賞花車巡遊，她說：「今次係我第一次係澳門睇花車匯演，見到世界各地表演嘉賓悉心打扮，大家好熱情，仲見到大家喺附近放炮仗，好有氣氛。」
