MIRROR成員李駿傑（Jeremy）早前為護膚品牌拍攝以花卉為主題的宣傳照，穿上純白色花邊襯衫在鮮花佈置中，變身如名畫中的不羈貴族。他說︰「知道今次嘅宣傳照會喺3月8日出街，好想借呢個機會同媽咪、粉絲講多謝，感謝大家一直支持我！」MIRROR世界巡迴演唱會及拉闊音樂會臨近，Jeremy直言是一大挑戰，要保持體力及水準。拍攝當天，Jeremy化妝時手持寫滿筆記的歌詞背誦，調校燈光時又練習舞步，即使是休息時間也忙着處理演唱會事宜。工作人員叮囑他好好休息，Jeremy笑着回應：「我OK啊！」
他被問到2024年目標時說︰「今年上半年主要都係同MIRROR 去World Tour，希望下半年有機會出新團歌，同埋嘗試吓不同組合嘅演出，畀多啲衝擊觀衆，感覺會係個新鮮嘅嘗試。另外，我想試多啲曲風，嚟緊嘅新歌都係新曲風，希望大家會鍾意啦！」談到《12怪盜》快將上映，Jeremy說︰「我都好緊張，第一次上大銀幕，希望未來仲有機會啦﹗不過，我唔強求，依家都係專注手頭上嘅工作先。」
