「靚聲王」張偉文的徒弟兼經理人方俊，早前在恩師鼓勵下推出新歌《鼓舞》，歌頌友情可貴，並為曾遇挫敗或受疾病煎熬的人打氣，帶出正能量。由於歌曲反應不俗，方俊將於4月15日在新光戲院大劇場舉行《方俊燃亮愛演唱會》，他會送出部份門票給視障人士與家屬，讓視障者都有機會感受及聽到音樂會。方俊說：「視障人士平日冇乜機會出去感受音樂會，我好希望佢哋都有呢個機會，可以能親身感受大舞台，最重要係體會到社會對佢哋嘅關愛，仲可以畀機會佢哋表演吓，上台唱一首歌，發揮天份。」
近日方俊忙於新歌及個唱做宣傳，仍不忘抽空到老人院探望張偉文又陪他飲茶。當偉文得知方俊開騷時表演興奮，叮囑他要做到最好，唔好失禮師父。方俊乘機追問師父：「偉文，你會唔會嚟撐我呀？會唔會嚟睇我騷呀？」張偉文睩大雙眼精靈回應：「會！我唔嚟聽點撐你呀！」張偉文不排除，好精神的話會考慮上台支持方俊唱《離別的叮嚀》：「但如果唱埋《訪英台》就會比較複雜。」
張偉文雖然患上認知障礙症，但也加入為方俊新歌《鼓舞》和音行列。外出期間，沿街及食店內有不少粉絲上前問候及支持張偉文，希望他身體健康可以在網上唱多啲歌，亦祝方俊演唱會good show。
