成軍兩年的女團COLLAR將於本月22至24日舉行《COLLAR CRUSH LIVE 2024》，騷前推出演唱會主題曲《Back In The Game》，顧名思義是「返去舞台懷抱」。7位成員日前重返出道首支團歌《Call My Name!》的MV取景地拍攝新歌MV，Marf邱彥筒、Gao沈貞巧、Day許軼、Candy王家晴、Winka陳泳伽、Ivy蘇雅琳及Sumling李芯駖異口同聲說想起出道時的回憶。Sumling說︰「出道雖然係冇耐嘅事，但好似做咗好多嘢咁。」Marf最大感受是各成員狀態、樣子都不同了。她表示︰「睇番《Call My Name!》嘅片，我哋個樣唔同咗好多，瘦咗、firm咗，好有趣。」Day則覺得拍攝場地令她感覺格外親切。
新歌的舞步是COLLAR成團以來最複雜，Candy說︰「今次MV只有兩日時間排舞，前後大概10小時，但舞蹈係有史以來最難、最複雜同最有力，所以喺咁短時間排到，覺得我哋好勁。」Gao表示新歌特別之處是跟演唱會海報一樣有車的元素︰「新歌前奏有啲汽車聲，演唱會海報亦有汽車感覺，覺得好得意，一個好巧合地方。」
演唱會進入倒數階段，COLLAR十分期待。Ivy說︰「一直以來無間斷咁做訓練，每日都同大家一齊，感覺好似一家人，好開心，未試過連續日日都見到大家。」Sumling透露近日跟樂隊排練時，各人也感動到眼濕濕。她透露︰「唔知係咪好耐未試過圍埋咁唱歌，特別感動。」她們預告演唱會當晚或會忍不住喊，笑言會帶紙巾上台。談到演唱會飛一票難求，Winka說︰「我也很難找到門票給親友，但覺得這是開心的煩惱。」
