謝霆鋒、麥浚龍（Juno）、柳應廷（Jer）、李駿傑（Jeremy）、吳林峰及陳奕迅（Eason），昨晚（9日）到灣仔會展為《王雙駿HATS ON音樂會》擔任嘉賓，闊別香港舞台多年的謝霆鋒重拾結他，令全場氣氛高漲；軟硬天師化身「翻版王雙駿」高唱《Gala Gala Happy》，場面爆笑。
音樂會安排由MIRROR兩位成員Jer及Jeremy打頭陣，表演完「雙Jer」立即趕往機場，坐夜機飛英國為MIRROR巡唱準備。
緊接由Juno上場，Juno被王雙駿大爆長氣；跟着霆鋒拿著結他，一身Rock爆造型上台，媽媽狄波拉前來撐場，狀態大勇唱出全由王雙駿監製的《潛龍勿用》、《玉蝴蝶》及《活著VIVA》，他說：「好耐冇喺香港演出，十分掛住你們！」台下觀眾即不停大嗌叫他開騷。
王雙駿指沒有想過霆鋒會二話不說就答應，更大爆狄波拉多年前，已叫他找霆鋒商量開騷，王說：「你估我冇催咩？我都想，希望佢今次撻番著，暫時擺低個鑊鏟先，始終佢好多工作喺身，唔似以前小朋友咁任性，唔使我問，我諗佢行出街已經好多人叫佢開騷。」王雙駿表示今次還有很多合作過的單位未有登場，希望能夠開part 2，但要按步就班。
