男團MIRROR將在英國開騷，3月10日是英國的母親節，身在當地的黃偉文（Wyman）終於跟成員陳卓賢（Ian）見面，Wyman曾替Ian寫《再見寧靜海》歌詞，Wyman在社交平台貼出合照，並寫道：「你明明只得一日喺倫敦，仲要拍起一個MV，都拍拍吓抽啲時間出嚟，脫離大隊同我聚一聚。多謝你陪我過節。（影相時，經理人話「咁個MV造型咪提早曝咗光囉」！我真係有諗過幫佢全身打格，淨係突返佢塊面出嚟。）」
另外，Wyman還跟徐浩和周錫漢合照留念：「所有今次來開演唱會的朋友，都只有這個星期日有自由時間，但每人空閒的時段都不一樣，所以我今天一整天都在和不同的配搭組合食飯飲嘢，一日幾場。好開心終於見到這些幕後戰友的「實物」。多謝你哋早機到捱住眼瞓都分兩粒鐘俾我。」
