陳逸璇（Jolie）日前推出講述兩性吸引力、鼓勵女性勇敢接納、表達渴求和真實情感的新歌《Thru the Night》，她說︰「呢首歌其實係《除非》嘅延續篇，由男女之間曖昧關係開始，講到互相感受到嘅強烈吸引力。歌詞除咗捕捉戀愛中嘅真實情感，更希望鼓勵時下女性大膽接納同表達渴求。」
Jolie在MV中展現42吋長腿，更邀請霍俊邦（霍哥）參與演出。她表示︰「我第一次同霍哥合作，原來佢除咗搞笑之外，為人超級紳士！佢會幫手遮住啲走光位，又會傾好晒先埋位，同佢合作超有安全感。呢個MV本來好性感，因為霍哥嘅參與又增加唔少幽默感。」
拍攝當日氣溫只得個位數，非常寒冷。Jolie卻「要靚唔要命」濕身拍攝︰「我哋由早上4點開工， 連續拍攝24小時，凌晨3點著泳衣濕身瞓喺地下拍攝，真係諗起都好凍！為咗好效果，我喺拍攝前連續21日排毒，其中5日淨係飲菜湯同水。我唔覺得辛苦，以最好狀態為自己作品演出，係對觀眾嘅尊重。」
