無綫《中年好聲音2》明晚（17日）播出新一集「最終樂章‧第二回《決賽前哨戰！歌手助力賽！》」，8強選手將聯乘8位歌手合唱，爭奪最終決賽的7強名額。安雅希與林二汶合唱《一樣的月光》，唱到尾段時飆高音曬唱功。不過，最近清減不少的她被批唱歌不夠氣，伍仲衡激動地說︰「減乜鬼肥啫？好明顯聽得出，人瘦咗把聲都瘦埋，感覺唔到我以前鍾意嘅安雅希。你睇吓二汶，佢把聲啲氣幾肥大！」肥媽表示：「氣真係要練，唱歌唔係用喉嚨，係要用丹田。」張佳添則說：「如果識用丹田唱歌，肥同瘦其實係冇關係，但係減肥之後，能量可能會唔夠。」
