莊思明昨晚（16日）出席慧妍雅集42周年慈善晚會時，表示已完成在橫店的劇集拍攝工作，將重返《愛‧回家之開心速遞》劇組。她說︰「我個角色同之前一樣，但故事發展有啲唔同。同楊明有冇對手戲？好似有同場，但冇關係，只喺同一空間出現。其實我哋冇所謂，以前都試過同場，喺第一輯《愛‧回家》都合作過。」
思明否認兩人當年因合作《愛‧回家》而相戀，憶兩人相識多年，拍《愛‧回家》時因常見面而熟絡，繼而拍拖。她笑言︰「佢不停約我食飯，又有誠意，冇辦法。《愛‧回家》可以話係我哋嘅定情劇。」談到婚期，思明說︰「我年年都話盡快，答到好厭，真係希望盡快。不過，今年只剩番9個月，唔知夠唔夠時間。我見朋友籌備婚禮要搞好耐，我同楊明都喜歡熱鬧，始終人生大事，想邀請所有親友出席，所以要多啲時間籌備。我都籌備咗8年，所以一定會好完美，相信我。」
