夏韶聲今天（18日）到尖沙咀出席「香港文創互動發展協會」（簡稱「文協會」）活動，夏韶聲表示近2年不停有粉絲問他何時開演唱會，自言是小人物的他說：［要開演唱會實在太難，要開唔難，係冇場地，我去年12月開始，3度入紙申請紅館都唔成功，一早畀人攞晒，但點解有啲人去年開完今年又開。（考慮其他場地？）點解要喺紅館開，因為今次係告別演唱會，要對得住我嘅粉絲，細場就算啦﹗」他覺得自己有資格在紅館舉行演唱會，指自己20多年前已在紅館開騷。又說辦告別演唱會，因為已不想留戀這個圈。
問到夏韶聲未來動向，他表示畫漫畫，下月開始再作歌，歌曲會在其網上頻道播：「我一向係獨行俠，自己做自己嘅歌，電台唔會播我嘅歌，因我知電台點運作，我又冇簽唱片公司，呢3年好心灰，但無意冷，我有自己粉絲，對得住佢哋，唔使同人爭獎，低調比高調舒服。」
夏韶聲翻唱葉振棠歌曲作籌款用途，夏韶聲表示除了葉振棠，沒有人可以拍膊頭叫他做任何事，他說：「葉振棠為人正直，一早知佢有眼疾，今次佢出碟係為奧比斯籌款，出發點好有意思，我哋合唱《戲劇人生》，錄音時聽幾句歌詞已經眼濕濕。」
