麥美恩（Mayanne）主持的清談節目《Mayanne小喇叭》，今晚（21日）一集請來《婚後事》主角羅子溢、陳自瑤（Yoyo）、賴慰玲（Winki）和黎諾懿擔任嘉賓，分享拍攝花絮。諾懿講到露股一幕時笑言︰「我本身都真係弗，為咗呢場戲Keep住做深蹲。一係唔露，一露就應該去盡佢﹗」Winki回憶與他拍攝鴛鴦戲水場面時「由頭驚到落尾」︰「我當日上身真空上陣，下身只穿一條短褲打底。我纏咗好多膠紙，但我又話好驚凍，工作人員就幫我倒熱水落去。啲水咁熱，啲膠紙咪溶囉，但又趕住拍，咁我咪就咁遮住囉。我好驚走光，黎總（黎諾懿）就係咁幫我打泡遮住，佢拎住筲箕喺水底係咁chok啲泡出嚟！」諾懿即場重現當時動作，並笑言自己「連道具都撈得很好」。
