房屋局常任秘書長兼房屋署長羅淑佩，近日接受恒生大學傳播學院《恒傳感言》訪問，身為陳卓賢（Ian）粉絲Hellosss的羅淑佩，在訪問中分享追星感受：「我其實唔明點解𠵱家唔話畀人聽鍾意邊個明星？我媽媽嗰輩，如果鍾意陳寶珠﹑蕭芳芳﹑任劍輝﹑白雪仙，係人都知，我成長讀書時，譚詠麟﹑張國榮或者陳百強﹑Beyond，係人都知喎，點解到我𠵱家幾十歲時，比如我鍾意Ian，點解講出嚟後，第一好似發現新大陸？第二咁奇怪？一個我咁嘅年紀﹑做我呢啲工嘅人，原來好似唔應該鍾意一個比較年輕香港歌星？係咁嘅咩？我後生都好鍾意譚詠麟，到𠵱家佢全部碟我都齊，所以我覺得好自然。」
羅淑佩認為年輕偶像或年輕明星，除了聲色藝方面，最緊要將正面信息給社會一個榜樣。主持問署長有什麼金句分享並鼓勵大家？羅淑佩介紹Ian歌曲《地球上的最後一朵花》勉勵大家：「歌詞內容係話，就算當地球剩下最後一朵花，你覺得自己係一朵孤花時，其實你可以有生命力，然後都可以成長，只要有第一朵花，就會有第二朵花。」
