陳毅燊（ANSONBEAN）日前（22日）出新歌《IMPATIENT》，以藝人追女仔的角度帶出將包袱或規則放下才能赤裸面對大眾的信息。他昨晚以打游擊方式拍攝歌曲的Dance Version MV，一晚走遍銅鑼灣 、中環摩天輪、天星小輪與文化中心等地點。ANSONBEAN先在銅鑼灣街頭拍攝，吸引大批歌迷及市民圍觀，其間更被讚身材健碩。ANSONBEAN說：「今次喺鬧市取景，同大家一齊互動、一齊玩咁，大家睇得好開心，我都覺得好開心。」
《IMPATIENT》的跳舞版MV概念，與ANSONBEAN最近愛上自導自演功夫短片有關。他說：「目前為止拍咗7條，好多人問我點解喺街拍，因為我冇錢租場，哈哈！其實因為成日都即興拍攝，又想用最低成本做到最想做嘅嘢，大家又睇得開心。好多人因為睇咗我嘅片，知道我喜歡武術，所以今次新歌Dance Version MV都用呢個模式，希望可以將香港唔同地方呈現喺裏面。」
