MIRROR成員今天（1日）繼續為電影《12怪盜》分批謝票，成員陳卓賢（Ian）和邱傲然（Tiger）到將軍澳謝票，獲粉絲買飛入場兼舉牌支持，他們也非常識做，抽出幸運兒進行答問環節和送電影海報。
談到他們拍攝這部戲最開心的事，Tiger表示：「能集齊MIRROR 12子拍一部戲，非常難得，可喜可賀。」Ian指與眾成員早前一起看試片，非常享受：「各成員分開拍攝，所以唔清楚佢哋有乜嘢演出，睇到Lokman（楊樂文）和Alton（王智德）爆破，Tiger打鬥身手好，跟舞台演唱嗰一面不同，好有新鮮感。」
Tiger與Ian被問若擔當導演和演員，會合作什麼題材電影？Tiger大讚Ian揸車很有型，希望拍攝關於揸車題材，有粉絲大叫「載埋我哋」，Ian聞言說：「我估揸巴士都唔夠載粉絲，要開地鐵先夠位，咁我要先考牌學揸地鐵。」Tiger笑說：「或者我研究一下點拍。」
有觀眾好奇若他們變成戲中暗黑組織，想做什麼？Tiger笑說：「戲中有一個極速耗油四驅車，唔知點解做出嚟，但覺得好有趣、好玩。」Ian笑言想創造一支不用換墨的永生原子筆，可以保持有墨水，粉絲高呼創作品像他一樣，逗得Ian開心說多謝。
對於該片票房已衝破1200萬票房，Ian表示不知道，詳情要問公司，他只做好演員本分，但說：「謝票70、80場，我個人真係謝了，有啲攰。」Tiger首次謝票感到很好玩。
相關新聞：孖Stanley謝票 姜濤回應李駿傑發火一事：佢好少會咁樣
