今早（3日）台灣花蓮發生7.3級地震，是自1999年「921大地震」後，台灣25年來最強烈地震。
身在台灣拍攝電影的朱栢康（朱康），因地震從睡夢中驚醒，他即時向外界報平安，他說：「今日喺台灣經歷咗一次，人生遇過最大嘅地震，但我都係喺睡夢中被震醒、搖醒。醒咗時候仲喺度諗，地震喎，台灣有地震都正常，跟住繼續瞓喺牀上面，完全無任何行動，直到地震一直都無走過（指餘震），我先開始驚，覺得要起身，著返條褲，喺度諗點做，係咪要走出街，定匿喺枱底，然後地震停咗，我就陸續收到台灣朋友短信電話問我有冇事，先知道今次地震原來咁強勁，佢哋自己都好驚。」
朱康事後亦走到戶外，指市面狀况暫時一切正常，他希望地震並無造成太大傷害，願當地朋友及市民平安。
相關新聞：花蓮地震｜MISIA台灣演唱會宣布取消：我一定會再來
相關新聞：余思霆花蓮老家塌櫃 蘇麗珊首遇地震驚魂未定 杜汶澤堅持完成小解
相關新聞：花蓮地震｜周杰倫報平安 稱「晃到不行」 王力宏：這次真的好大
