男團MIRROR日前完成北美巡唱首站後，稍事小休，成員各自有活動，姜濤﹑呂爵安﹑邱士縉和徐浩去了洛杉磯湖人主場欣賞NBA，他們還做了前排觀眾，近距離睇賽事，事後各自分享親身睇NBA的感受，原來當天副隊長江𤒹生（AK）都在場，不過他坐的位置偏遠，有網民也留言：「點解你冇得坐樓下嘅？」
AK寫道：「細個專注踢波，不懂籃球的浪漫，大個先慢慢感受到佢嘅魅力，第一次嚟LA有睇一次波，當時Kobe啱啱退役，無緣睇到佢嘅英姿，點知噚日占士都無落場，可惜，但唔緊要，其實我主要係睇啦啦隊，同買到兩件波衫。 #我想學打波呀教練。」不少網民留言召喚陳卓賢（Ian）教AK打波。
另外，姜濤亦在社交平台貼相：「Amazing night~終於來到小時候夢想的地方了，感恩一路上的緣分～（感受到大家平時應援和叫我們名字喉嚨的痛）」
