第四十二屆香港電影金像獎頒獎典禮今晚（14日）舉行，有份角逐影后的衛詩雅，以一襲白色短裙亮相，她否認是婚紗，笑言這套衫令其他人難以埋身，她說：「不過穿呢套衫有啲壓力，因為臨行紅地氈前一秒，吊住件衫嘅細條魚絲斷了，好在立即補救，𠵱家好安全，擰來擰去都唔會走光。」
鄧麗欣（Stephy）及林明禎擔任頒獎嘉賓，2人被安排行紅地氈，Stephy罕有超性感亮相，她說：「我揀呢條裙仍未知同明禎行，對呢條裙一見鍾情，但最初有少少驚，因為見到好少布，但造型師一直游說我穿，咁就試下啦，都大個女，咪性感啲囉，不過呢條裙唔係賣弄性感，都OK嘅。」她表示已做足安全措施，還與林明禎互相幫手檢查，十分安心。林明禎直言不敢像Stephy般穿得性感，希望下年敢穿，她說：「因為我唔夠安全感，想慢慢嚟，一步步來，明年如有獎項入圍就會Deep V。」
相關新聞：金像獎紅地氈｜男神大雜燴 許光漢吳慷仁馮德倫魏浚笙柯煒林型爆現身
相關新聞：金像獎紅地氈｜余香凝影后大熱 女兒挑選戰衣 若獲獎老公請食飯
相關新聞：金像獎紅地氈｜謝安琪張繼聰拍拖現身 仔女家中叫囂支持
