第四十二屆香港電影金像獎頒獎典禮今晚（14日）舉行，影后劉嘉玲身穿露肩晚裝配拖尾外套，雍容華貴。問她是否代表老公梁朝偉攞最佳男主角？她否認，指自己支持這個盛事，負責頒「最佳新演員」獎。
問到偉仔有否說倘若攞獎，代他說致謝辭？她說﹕「冇，佢喺德國拍戲，但知道大會播放最佳男主角提名名單時，會同步跟偉仔視像，佢應該即刻知道賽果。（會否替偉仔緊張？）唔緊張，我覺得應該係佢囉㗎，唔係咩？其他人會付出100分、200分，佢會付出500分，甚至1000分，為工作好努力、好投入，將所有嘢都放埋一邊，包括我在內，佢敬業樂業精神好值得鼓勵。」
