ViuTV原創劇《打天下2》現正播映中，MIRROR副隊長江𤒹生（AK）和邱傲然（Tiger）在劇中不乏對打戲分，2人笑言默契十足，放心叫對方「拳拳出力」。自細習武的Tiger表示，今次有8成戲分都是動作場面，幸好他的武術底子有助拍攝。他指如有機會的話，想嘗試接拍可以揸機關槍等劇集。
AK指完全沒有擔心Tiger，更笑言意外發現自己弱點：「佢武術根基比我好好多，所以棠哥（歐錦棠）都讚佢，無論戲定武打技術都唔需要我擔心，反而係我要向佢請教，今次需要用到全身所有部分，意外發現自己下盤功夫有少少弱，Tiger就比較好。」
今季的角色處理上，AK花了不少心機揣摩：「用咗好多時間研究角色成長，想可以呈現到成熟嘅關志浩（角色名）之餘，亦都可以Keep到第一季嘅佢」。
