MIRROR成員盧瀚霆（Anson Lo）早前（17日）推出新歌《深閨》，作詞的黃偉文（Wyman）前天（19日）在社交平台發文，透露為《深閨 》取了英文名《The Homebodies》的原因。
他說︰「近年交歌詞，包改埋英文歌名，應付某啲串流平台嘅格式需要，只要客戶要求就得。一般嚟講，在下有限嘅英文水準都搞得掂。唯獨今次真係唔識點譯『深閨』先簡潔傳神，我係嗰種自己做得嚟都唔會麻煩其他人嘅人，於是又上網摷咗一輪，都係搵唔到一個啱用嘅。最尾唯有出絕招，搵我認為行內其中一位英文最叻嘅人，結果佢一嚟就畀咗『 Homebody』我。一天光晒，特此鳴謝。所以《 深閨 》家陣有個體面嘅英文名，全靠Serrini，Anson Lo得閒記得請樹女皇食飯。」
Anson Lo在Ig限時動態轉發Wyman的帖子，留言稱要請Serrini食飯，又表示下次去英國要請Wyman食飯。Wyman笑言︰「唔一定英國㗎喎，法國食我都得㗎喎﹗」
