張繼聰（阿聰）今天（29日）以活動大使身分，出席《中國香港國際籃球邀請賽2024》，負責頒獎給參加籃球賽的小朋友，他希望更多基層兒童接受優良籃球訓練機會。
熱愛打籃球的阿聰表示已有10年沒組隊打比賽，但他在家中製作小型籃球場，跟兒子張瞻一對一比賽，他說：「多數我贏，佢唔忿氣，會趁我唔喺屋企試苦練，佢小時候已睇我打比賽，但近年先對籃球產生興趣，我喺打波時同個仔溝通，好過嚴肅講道理。」他認為透過刻苦練習，讓兒子知道一分耕耘一分收穫，不會有捷徑，對他將來投身社會工作也有幫助。
說到太太謝安琪（Kay）不捨得17歲的兒子快將在外地留學，他贊成兒子到外國升學，他說：「男仔要學識獨立，磨練下係好事，喺香港生活太幸福，乜都有父母幫手處理，我好鼓勵佢課餘多啲同同學玩，但同佢講乜嘢可以做、可以試，唔死得就可以，叫佢以即刻死或慢性自殺為大前提先思考，佢都有同我講有同學飲酒、吸煙，問我點，我叫佢自己諗，我反而唔想個女將來去外國讀書，女仔驚恐嘅嘢太多。」
