陳展鵬、方力申、馮盈盈等昨晚出席無綫劇《逆天奇案2》宣傳活動，劇中演反派的方力申表示很少演奸角，感恩讓觀眾看到他不同一面，朋友亦讚他演技有進步。
對於由他主演的內地電影《億計劃》首日上映僅收74元人民幣票房，上映5天亦只收破千元人民幣，他解釋：「套戲2018年拍，亦曾喺內地上映過，𠵱家網上已經有好多平台可以免費睇，所以再上映嘅話，證明有啲人好鍾意入戲院睇戲，我覺得收幾多電影公司都係掙咗，一千元唔係錢咩？」
他表示未知是否破了自己票房最低紀錄，因沒有收到電影公司表示蝕錢，亦有可能是掙錢，總之他收足片酬交足貨。問下次可會嚴選劇本才接拍？他說：「學周潤發話齋，有咩戲就接，唔使搵食咩？係傳媒覺得我唔需要搵食啫！」
馮盈盈表示有留意網民留言讚她演技有進步，但自覺一定有進步空間，問如有第三輯可希望有什麼新挑戰？她即說：「我想挑戰動作戲，今輯好多打鬥，但全部都唔關我事，下次想試做武打巨星得唔得？打人同畀人打都要，咁先好睇，雖然未試過都有啲驚，但如有機會我會好好去練武，好恨做打女呀！」
相關新聞：《逆天2》成3周收視冠軍 陳展鵬讚方力申有突破：睇我點收服佢
