ViuTV節目《漁樂無窮》今晚（1日）播出第13集，節目組出埠飛到沖繩，除了到備瀨崎海岸再次踩水釣魚，節目組拉大隊去宜野灣市立體育場，邀請熱愛足球的許賢，連同當地小朋友踢足球，許賢好友蘇致豪（豪哥）更為本集做「足球評述員」，令比賽更過癮。
小朋友得心應手，許賢笑言：「所謂大蝦細，畀屎餵，想用技術贏佢，但我技術唔夠佢哋嚟，喺佢哋面前成個傻仔咁。」一開始欠缺溝通，所以久久未有入球，Serrini幫忙吶喊助威，導演更呼籲許賢：「你同啲隊友傾下偈先得㗎嘛！」經過溝通後，許賢開始融入球隊，更與其中一位小朋友擦出「電光火石般的推波」，更建議節目組慢鏡重播。
許賢表示今次跟當地小朋友切磋球技非常難忘：「我諗一世人都未必有幾多次機會，咁樣嚟沖繩做文化交流，自己嚟（旅遊）嘅話，唔會突然搵人跟操㗎嘛，今次畢生難忘。」
