由黃劍文、葉巧琳主演的舞台劇《為你鍾情》日前舉行記者會，雖然門票未正式公開發售，但大會宣佈預售門票爆滿，即場宣布加場喜訊。
該劇以紀念「哥哥」張國榮為題，由歌曲引發一連串故事，而兩位主角亦要演繹一系列張國榮金曲，黃劍文表示又演又唱極大挑戰，擔心會被觀眾「柴台」：「因為哥哥永遠都係經典，翻唱佢啲歌已經好有挑戰性，仲要邊做戲邊唱，唯有做好自己。今次我做第二代『哥迷』，唱腔唔會刻意模仿哥哥，希望有不一樣感覺帶畀大家。」
葉巧琳表示自細是「哥迷」：「我自細都係哥迷，電影《金枝玉葉》經典對白入晒腦，今次舞台劇已經畀另一半落咗閘，唔可以有親熱戲，不過劇本都冇話要嘅，我另一半係哥哥嘅歌迷，屋企練歌唔怕嘈到佢。」
