林子善、唐詩詠的生日只相隔一個月，因此每年也會聯同「鐵馬家族」成員一同慶祝。今年的生日會除了他們兩人，同在4、5月生日的「二哥」馬國明老婆湯洛雯及陳敏之丈夫雷偉信也成為主角。雖然生日會只有4位壽星，蛋糕卻有5個，盧覓雪看到照片後笑言︰「四個人食五個蛋糕，你都算堅。」唐詩詠亦自嘲「黐咗線」。
林子善說︰「四五月之星。鐵馬家族生日聚會加埋敏之雷哥，咁啱大家差唔多生日梗係齊慶祝。多謝二哥二嫂嘅招待請大家食飯，成班細佬細妹成日都上嚟搞搞震。林子善4月13日，雷偉信4月22日，唐詩詠5月03日，湯洛雯5月06日。哥哥&妹妹，每一次生日都要同你影呢張相，繼續保持住好好記錄，我哋每年好好回味當時那份感覺同快樂。」林子善更爆唐詩詠為了湯洛雯四圍撲蛋糕。
唐詩詠表示︰「今年係我買蛋糕俾二嫂，二嫂買蛋糕俾我，我哋兩個買蛋糕俾子善同雷哥，然後大家再買蛋糕俾我哋，所以有好多個蛋糕，好複雜嘅關係。」陳敏之說︰「今年雷哥第一年同你哋一齊慶祝生日，他表示高興和熱鬧！麻煩每年搞一次！兩位唔該﹗」湯洛雯大讚︰「個蛋糕真係正到暈！」
