蔡潔紅雨開車被困 由消防員救出兼登央視 愛車報銷喊到豬頭 (18:22)

前天（4日）掛起紅色暴雨警告信號，廣泛地區出現嚴重水浸，將軍澳更是重災區，原來當天蔡潔身處將軍澳，當時她被困車內等候救援，而愛車被浸到Total Loss，蔡潔心情平復兩天後，今天（6日）在社交平台貼相及抒發感受：「我架小白光榮退休啦，我會記得開住你到處走嘅日子。多謝你陪住我返工放工，唔開心嘅時候會匿埋係你度聽歌聽幾個鐘，你又車過我好多巨星朋友，同埋爸爸話我知，前兩日你仲上埋央視新聞，威過我啊﹗再見啦﹗之前的日子感恩有你。